ကျေးလက်ပြည်သူများအတွက် မင်္ဂလာသတင်း တိရစ္ဆာန်စွမ်းအား အသုံးပြုပြီး လျှပ်စစ်မီးလင်းပြီ

စက်သုံးဆီနဲ့ပက်သက်လို့ ဘာတစ်ခုမျှမသုံးရဘဲ လျှပ်စစ်ဓာတ်အားထုတ်ယူနိုင်ပြီဆိုတဲ့
သတင်းဟာထူးခြားနေတာမို့ ဒီလိုလျှပ်စစ်ဓာတ်အားထုတ်ယူမှုကို ဘယ်လိုအစိအမံတွေ
နဲ့ ပြုလုပ်တယ်ဆိုတာကို အဓိကဆောင်ရွက်ခဲ့တဲ့ ဦးကွန်းဇော်ထွန်းနဲ့ တွေ့ဆုံမေးမြန်းဖြစ်
ခဲ့ပါတယ်။
"နေ၊ရေ၊လေ၊ဇီဝစက်သုံးဆီ၊စပါးခွန်နှင့်တစ်ခြားလောင်စာဓာတ်ငွေ့တွေ လုံးဝအသုံးပြုစရာ
မလိုဘဲ တိရစ္ဆာန်စွမ်းအားကိုပဲအသုံးပြုပြီး လျှပ်စစ်စွမ်းအားရရှိအောင် စီစဉ်ဆောင်ရွက်နိုင်
ပြီဖြစ်ပါတယ်" လို့ဝမ်းတိုးကုမ္မဏီလီမိတက်ကမန်နေဂျင်း ဒါရိုက်တာဖြစ်တဲ့ ဦးကွန်းဇော်ထွန်း
ကမြန်မာ့အလင်းကိုပြောပြပါတယ်။

ထူးခြား

ဒီလိုတိရစ္ဆာန်စွမ်းအားသုံးလျှပ်စစ် မီးစကြာဟာလည်း ဘာမှထွေထွေထူးထူးပါရှိတာမဟုတ်ဘဲ
လျှပ်စစ်စွမ်းအင်ထုတ်ပေးနိုင်တာမို့ ထူးခြားမှုတော့ရှိနေပါတယ်။ဒီလိုအစီအစဉ်အောင်မြင်ဖို့အ
တွက် ၂၀၀၀ ပြည့်နှစ်လောက်ကတည်းက ကြိုးစားနေခဲ့တာဟာ အခုမှအောင်မြင်တယ်လို့သိ
ရပါတယ်။
လျှပ်စစ်ဓာတ်အားထုတ်ပေးနိုင်တဲ့ တိရစ္ဆာန်စွမ်းအားသုံးလျှပ်စစ်မီးစကြာဟာ ၀ါးနက်ဝါး၊နှီး၊ဒိုင်
နမို၊ဂီယာနဲ့ ကွန်ပျူတာတွေပါဝင်ပြီး ၀ါးတွေနဲ့လုပ်ထားတဲ့စကြာရဲ့ အကျယ်ဟာ၆၈ပေရှိပါတယ်။
နွားဆွဲနိုင်တဲ့ဝါးလက်တံတစ်ခုနဲ့တစ်ခုအကျယ်ဟာ ၁၇ပေရှိတာမို့ နွားတစ်ကောင်နဲ့တစ်ကောင်
အတော်လေးလှမ်းတဲ့အနေအထားပါပဲ။

လျှပ်စစ်ဓာတ်အား

လက်တွေ့အသုံးပြုမှုနဲ့ပတ်သက်ပြီး "၀ါးဒလက်တစ်ခုစီမှာနွားသို့မဟုတ်ကျွဲတစ်ကောင်နှုန်းနဲ့ နွား
ခြောက်ကောင်လှည့်ပတ်အားကြောင့် ၀ါးစကြာအလယ်မှာတပ်ဆင်ထားတဲ့ ဒိုင်နမိုကတစ်ဆင့်လျှပ်
စစ်ဓာတ်အားရရှိစေတာဖြစ်ပါတယ်။ နွားခြောက်ကောင်ရဲ့လှည့်ပတ်အားဟာ ၇ဒသမ၅ကီလိုဝပ်ထွက်
ရှိစေပါတယ်။ဥပမာပြောရရင် ဒီမီးစကြာကိုနွားရှစ်ကောင်နဲ့ ခြောက်နာရီကြာလှည့်ရင် အိမ်ခြေ၂၀၀ရှိ
တဲ့ရွာမှာ တစ်အိမ်ကိုနှစ်ပေမီးချောင်းနှစ်ချောင်းနှုန်းနဲ့ တစ်ရွာလုံးခြောက်နာရီကြာအောင် မီးလင်းနေမှာ
ဖြစ်ပါတယ်"လို့ဦးကွန်းဇော်ထွန်းက မြန်မာ့အလင်းကိုရှင်းပြပါတယ်။

ကွန်ပျူတာစနစ်

မီးစကြာတစ်ခုလုံးမှာ ဒလက်၁၀ခုရှိတာကြောင့် နွားသို့မဟုတ်ကျွဲ၁၀ကောင်လှည့်ရင် လျှပ်စစ်ဓာတ်အား
ကီလိုဝပ်၂၀ထွက်ရှိမှာမို့ ၂ပေချောင်းအချောင်း၁၀၀၀ကို မီးလင်းပေးနိုင်မှာဖြစ်ပါတယ်။နွားတွေရဲ့ပင်ပန်း
မှု၊ စွမ်းအားကျဆင်းမှုတွေအပြင် လျှပ်စစ်ဓာတ်မတော်တဆဖြစ်မှုတွေကိုလည်း ကွန်ပျူတာစနစ်နဲ့ထိန်းချုပ်
ထားတာမို့ အခက်အခဲပြဿနာတစ်စုံတစ်ရာတော့ မရှိပါဘူး။နွားတွေပင်ပန်းရင်တိရစ္ဆာန်တွေကို အလှည့်
ကျအသုံးပြုလို့ရသလို အလှည့်ကျအနားယူလို့လည်း ရပါတယ်။
ဒီလိုမီးစကြာကိုတပ်ဆင်မယ်ဆိုရင် ပေ၇၀အကျယ်ရှိတဲ့ မြေအကျယ်လိုအပ်ပြီး ကျေးလက်တွေမှာရရှိနိုင်
တဲ့ဝါးတွေနဲ့ပြုလုပ်ထားတဲ့ ၀ါးစကြာတစ်ခုပြုလုပ်ကာ လိုအပ်တဲ့ဒိုင်နမို၊ဂီယာနဲ့ကွန်ပျူတာတွေတပ်ဆင်ပြီး
နွားသို့မဟုတ်ကျွဲတွေနဲ့လှည့်ခိုင်းတာနဲ့ မီးလင်းစေမှာဖြစ်မှာပါတယ်။

ငါးကီလိုဝပ်

ဒီလိုမီးလင်းတဲ့အားဟာ လုပ်ငန်းသုံး ဓာတ်အားမျိုးအထိ သုံးစွဲလို့ရလို့ တစ်ပိုင်တစ်နိုင် အိမ်တွင်းမှုလုပ်ငန်း
လေးတွေတောင် လုပ်လို့ရပါတယ်။ ဒါ့အပြင် ဒီလိုတိရစ္ဆာန်စွမ်းအားသုံး မီးစကြာတွေပေါင်းစပ်ရင်း လျှပ်စစ်
ဓာတ်အားငါးကီလိုဝပ်အထိ ထုတ်လုပ် နိုင်တဲ့ဓာတ်အားရရှိစေမှာဖြစ်ပါတယ်။
ဒါကြောင့်ဒီလိုလျှပ်စစ်ဓာတ်အား ထုတ်ပေးမှုဟာ ကျေးလက်ပြည်သူတွေရဲ့ဘ၀ကို မြှင့်တင်ပေးနိုင်တဲ့အပြင်
အလုပ်အကိုင် အခွင့်အလမ်းတွေအများကြီးပေါ်ထွက်လာစေမှာဖြစ်ပါတယ်။ ဒါအပြင် လောင်စာဆီနဲ့တခြား
စက်သုံးဆီတွေကိုလည်း အသုံးမပြုတာမို့ သဘာဝပတ်ဝန်းကျင်ညစ်ညမ်းမှုကိုလည်းကာကွယ်ပြီးဖြစ်ပါတယ်။

ကျေးလက်ဖွံ့ဖြိုးရေး

အခုဆိုရင်ရန်ကုန်တိုင်း တိုက်ကြီးမြို့နယ် ဥတိုအုပ်စု အင်းကုန်းကျေးရွာမှာ လျှပ်စစ်မီးတွေစမ်းသပ်ထွန်းခဲ့ပြီ
ဖြစ်ပါတယ်။ ဒါဟာကျေးလပ်ဒေသဖွံ့ဖြိုးရေးအတွက် အဓိကကျတဲ့အချက်တစ်ချက်လည်း ဖြစ်တာမို့ကျေးလက်
ပြည်သူများအတွက်ကတော့ မင်္ဂလာသတင်းအဖြစ် ထုတ်ဖော်ရးသားလိုက်ရပါတယ်။ ။