ကမ္ဘာ့လူသားများအကျိုး သယ်ပိုးစွမ်းဆောင် ကုလသမဂ္ဂမဏ္ဍိုင် ခိုင်ကျည်စွာ ဝိုင်းဝန်းထိန်းသိမ်းစောင့်ရှောက်

ကမ္ဘာ့ကုလသမဂ္ဂအဖွဲ့ကြီးကို ၁၉၄၅ခုနှစ် အောက်တိုဘာ၂၄ရက်နေ့တွင် စတင်ဖွဲ့စည်းထူထောင်ခဲ့ရာ ယနေ့ဆိုပါလျှင် (၆၃)နှစ်တိုင်ခဲ့ပေပြီ။ ယခုအခါ ကုလသမဂ္ဂအဖွဲ့ဝင်နိုင်ငံပေါင်း ၁၉၂နိုင်ငံရှိပြီဖြစ်ရာ အဖွဲ့ဝင်နိုင်ငံတိုင်းက ကမ္ဘာ့ကုလသမဂ္ဂနေ့အခမ်းအနားကို ကျင်းပကြသည်။ ကမ္ဘာ့ကုလသမဂ္ဂအဖွဲ့ကြီးသည် ပဋိညာဉ်စာတမ်းပါ မွန်မြတ်ပြည့်စုံလှသည့် ရည်မှန်းချက်နှင့် အခြေခံမူများဖြစ်သော နိုင်ငံတကာငြိမ်းချမ်းရေးနှင့် လုံခြုံရေးကိုထိန်းသိမ်းစောင့်ရှောက်ရန်၊ နိုင်ငံတကာစီးပွားရေး၊ လူမှုရေး၊ ယဉ်ကျေးမှုနှင့် လူသားချင်းစာနာထောက်ထားမှုဆိုင်ရာ ကိစ္စရပ်များကို ဖြေရှင်းရာ၌ ပူးပေါင်းဆောင်ရွက်မှု ရရှိရန်ဆိုသည့် မဏ္ဍိုင်ကြီးကို ခိုင်ကျည်စွာ ထိန်းသိမ်းစောင့်ရှောက်ထားပေသည်။
မြန်မာနိုင်ငံသည် ကမ္ဘာ့ကုလသမဂ္ဂအဖွဲ့ဝင်နိုင်ငံဖြစ်ခဲ့သည့် အချိန်မှစ၍ ကမ္ဘာ့မိသားစုဝင်နိုင်ငံတစ်နိုင်ငံပီသစွာ နိုင်ငံတကာအရေးအရာများ၊ ကုလသမဂ္ဂအဖွဲ့ကြီး၏ လုပ်ငန်းဆောင်တာများကို အစဉ်တစိုက် ပူးပေါင်းဆောင်ရွက်လျက်ရှိသည်။
မြန်မာနိုင်ငံသည် လွတ်လပ်၍တက်ကြွသော နိုင်ငံခြားရေးဝါဒကို ကျင့်သုံးပြီး ငြိမ်းချမ်းစွာ အတူယှဉ်တွဲနေထိုင်ရေး မူကြီးငါးချက်နှင့်အညီ ကမ္ဘာ့နိုင်ငံများနှင့် ဆက်ဆံနေထိုင်ခဲ့သည်။
ကမ္ဘာ့ကုလသမဂ္ဂအဖွဲ့ကြီးသည် မွန်မြတ်သည့်လုပ်ငန်းစဉ်များကို ကြိုးပမ်းဆောင်ရွက်ရာတွင် ကမ္ဘာ့နိုင်အသီးသီး တန်းတူရည်တူရှိမှု၊ အချုပ်အခြာအာဏာပိုင်မှုကို အလေးအနက်ထားပြီး နိုင်ငံကြီးငယ်မဟူ နိုင်ငံအားလုံးနှင့် ပူးပေါင်းဆောင်ရွက်လျက်ရှိရာ မြန်မာနိုင်ငံအနေဖြင့်လည်း အဖွဲ့ဝင်နိုင်ငံများအားလုံးနှင့် လက်တွဲ၍ ကမ္ဘာ့လူသားများအကျိုးအတွက် သယ်ပိုးစွမ်းဆောင်သွားမည်သာ ဖြစ်ပါကြောင်း ရေးသားလိုက်ရပါသည်။