ဆက်သွယ်ရေး၊ စာတိုက်နှင့်ကြေးနန်းဝန်ကြီးဌာန ဝန်ကြီး ဗိုလ်မှူးချုပ်သိန်းဇော်သည် ဒုတိယဝန်ကြီး ဗိုလ်ချုပ်သိန်းထွန်းနှင့်အတူ ယမန်နေ့က ရန်ကုန်မြို့မရမ်းကုန်းရှိ အပြည်ပြည်ဆိုင်ရာဆက်သွယ်ရေးအိတ်ချိန်းသို့ရောက်ရှိပြီး နိုင်ငံတကာဆက်ကြောင်းများ ချိတ်ဆက်ထားမှုနှင့်အိတ်ချိန်းများပြုပြင်မွမ်းမံမှု အခြေအနေများကို ကြည့်ရှုစစ်ဆေးရာ သက်ဆိုင်ရာ အင်ဂျင်နီယာချုပ်များ၏ ရှင်းလင်းတင်ပြမှုအပေါ် ဝန်ကြီးက နိုင်ငံတကာဆက်သွယ်မှု ဆက်ကြောင်းများ မပြတ်တောက်စေရေးအတွက် အရန်ဆက်ကြောင်းများ ချိတ်ဆက်ရေး၊ စက်ပစ္စည်းများအားစနစ်တကျကိုင်တွယ်ပြုပြင်ထိန်းသိမ်းရေးနှင့် အရည်အသွေးပြည့်ဝသော ဆက်သွယ်ရေးဝန်ဆောင်မှုများဖြစ်လာစေအောင်ဝိုင်းဝန်းဆောင်ရွက်သွားကြရေး ဆွေးနွေးမှာကြားသည်။
လိုအပ်သည်များမှာကြား
ဆက်လက်၍ ဝန်ကြီးသည် ရွှေဂုံတိုင်ရှိ CDMA မိုဘိုင်းလ် ရေဒီယိုစခန်းသို့ရောက်ရှိပြီး မိုဘိုင်းလ်ဆက်သွယ်ရေးအင်ဂျင်နီယာချုပ်က ပင်လယ်ပြင်ကမ်းနီးအဝေး CDMA မိုဘိုင်းလ်ဆက်သွယ်ရေးစနစ်အတွက် ဆက်ကြောင်းများတိုးချဲ့တပ်ဆင်ခြင်း၊ တာဝါတိုင်များတိုးချဲ့စိုက်ထူခြင်းလုပ်ငန်းအခြေအနေများကိုလည်ကောင်း၊ အော်တိုတယ်လီဖုန်းအင်ဂျင်နီယာချုပ်က လုပ်ငန်းဆောင်ရွက်မှုများကိုလည်ကောင်းတင်ပြကြရာ ဝန်ကြီးကလိုအပ်သည်များကို မှာကြားဖြည့်ဆည်းပေးသည်။
ထို့နောက် ဝန်ကြီးသည် ရန်ကုန်မြို့တွင်း မြန်မာ့ဆက်သွယ်ရေးလုပ်ငန်းက တယ်လီဖုန်းတိုင်အသစ်များ အစားထိုးစိုက်ထူခြင်း၊ တိုင်ကျိုးများဖယ်ရှားခြင်း၊ လိုင်းကြိုးအသစ်ဆွဲခြင်းလုပ်ငန်းများဆောင်ရွက်နေမှုများကိုလှည့်လည်စစ်ဆေးကြည့်ရှုပြီး ဆက်သွယ်မှုမရရှိသေးသော ရန်ကုန်မြို့တွင်း တယ်လီဖုန်းလိုင်းများ အမြန်ဆုံးပြန်လည်ကောင်းမွန်ရေးနှင့် စက်ယန္တယားများဖြင့် အရှိန်မြှင့်ဆောင်ရွက်သွားရေးမှာကြားသည်။
No comments:
Post a Comment